سافر ف امان الله دربك يودي
ودي تفارقني مثل باقي الناس
لا تحسب الفرقى عناد وتحدي
الحمد لله عشت واموت قرناس
والله م طاحت دمعتي فوق خدي
الا بموت امي وابو يرفع الراس
امي تنازع بين عيني ويدي
وتنوي السفر واحسب عناها والانفاس
امي ذهب وانت حديد مصدي
اقولها لك وأقطع الشك بالياس
اعطيتك الاسرار وانباح سدي
طمعك وصلني الى حد الافلاس
وقفت في كل الغرابيل ضدي
حتى المرض جاني ولا قلت لا باس
لا تدعين الحب يابنت هدي
انا بنيت الحب قبلك على ساس
الحب عندك للاسف فلم هندي
والحب عندي تضحيه مالها قياس
قلت الصراحه ماتعديت حدي
ناس تحس وناس ماعندها احساس